المظهر الديوي ( للبشرة الجافة )

اليوم إن شاءالله بتكلم عن المظهر الديوي للبشرة الجافة

أنا من اصحاب البشرة الجافة الى شديدة الجفاف بس حاليا صارت بشرتي شبه مختلطه.
و انا من محبي اللوك الديوي يعني الوجه الي فيه نضاره و لمعه طبيعيه ،، و كنت اعاني من جفاف بشرتي و الحمدالله خف الجفاف مع الاهتمام ب الغسول و التونر و الترطيب ،، و كثير ناس يعانون من الجفاف و التشقوقات في الوجه ،، و موضوعي حاليا عباره عن كيف تخلين وجهك ديوي فيه نظاره و لمعه طبيعيه و كمان بدون تشقوقات في وقت الميك اب.
و خصصت هذي الموضوع للبشرة الجافة لان فيها ترطيب كثير و كمان انا خبرتي بالبشرة الجافة اكثر من الدهنيه لان بشرتي جافة.

و اول شيء قبل ما تحطين الميك اب مهما كانت بشرتك جافة دهنيه مختلطه لازم لازم تغسلينها و تقشرينها و تحطين مسكات و ترطبينها عشان تطلع بشرتك انظف و احلى و كمان لا تنسوون تغسلون فرش الميك اب بين فتره و فتره

ابتكلم عن منتجات انا مجربتها و احبها حتى لو خلصت إن شاءالله ارجع اشتريها  لانها من الاسباب الي تخلي وجهي ديوي ولا يتشقق.

ببدأ من اليمين الى اليسار ،، اول منتج من ماك اسمه منيرايز شارجيد واتر
هذا المنتج احبه حب مو طبيعي و تكلمت عنه في الإنستقرام و كل ما يخلص
ارجع اشتريه ، و هذي ثالث علبه اشتريها ما استغني عنه ابدا ابدا
هو معنى الترطيب قبل الميك اب و هو للبشرة الجافة الى شديدة الجفاف
احطه قبل الميك اب ،، و احب اخلط معاه ثاني منتج من بوبي براون
مرطب قبل الميك اب ما اعتبره  شيء مهم مثل حق ماك يعني حق ماك اهم
يعني تقدرين تستغنين عنه ،، ثالث منتج كريم للعين من شانيل اي كريم عين
انتي تحبينه و مرتاحه عليه استخدميه قبل الميك اب عشان يرطيب منطقة العين.
و بما حق بوبي براون تقدرين تستغنين عنه ف لازم تكثرين من حق ماك شوي
عشان تحس البشرة انها اخذت كمية كبيرة و كويسه لبقيه اليوم عشان البشرة ما تتشقق
حتى لو كان الفونديشين للبشرة الجافة

ف انتظر لما البشرة تمتص المرطبات ف اسوي ميك اب عيني و لما اخلص من
الاي شادو و قبل ما اسوي الاي لاينر لان اطول و انا اسوي الاي لاينر عشان يضبط ،
ف احط هذولي المنتجين من اليمين بخاخ شارجيد واتر من ماك ابخه بختين الى ثلاث تكفي او ابخ الي جمبه من ذا فيس شوب يعني واحد منهم ك ترطيب زياده

بعدين لما اخلص من الاي لاينر قبل ما احط المسكارا او الرموش
احط برايمر للوجه للبشرة الجافة و بس اسوي هذي الخطوة اذا كان عندي مناسبة
او اني من زمان ما حطيت برايمر و اشتهيت احطه اذا كانت طلعه او جمعه عاديه
من اليمين برايمر من الاماسكا هالفتره ما احبه مره بس احاول احطه قدر الامكان عشان اخلصه ،، اليسار برايمر من ديور كثير مدحونه انه يعطي لوك ديوي و نظاره بس ما جربته الا مره مدري مرتين ولا دققت فيه ف ما اقدر احكم عليه الحين.
عادي تستخدمين اي برايمر للبشرة الجافة

بعد ما خلصت من ترطيب البشرة و امتصت البشرة المرطبات ، انا عندي اضاءة سائله
و مو مستفيدة لحالها ما تعطي نتيجه ف قررت اخلطها مع الفونديشين ك زيادة لوك 
 و كمان مو دايم اخلطها ، ف اذا كان عندك إضاءة سائله و تبين تخلصينها اخلطيها مع الفونديشين ، تعطي نتيجه كويسه ، اما اذا كان ما عندك ما اعتبر هذي الخطوة مهمة لان تعتبر بشرتك صارت ديوي بعد المرطبات.

من اليمين إضاءة سائله من انجلوت مو مستفيده منها و مو مره حبيتها و مو دايم اخلطها مع الفونديشين احاول اخلصها قدر الامكان ف عشان كذا اخلطها مع الفونديشين ،
اليسار إضاءة من بينيفت حلوه تنفع تحطينها بعد ما تخلصين من ميك اب كامل و
كمان ينفع تخلطينها مع الفونديشين ، انا صراحة احطها بعد ما اخلص من الميك اب
ما جربت اخلطها مع الفونديشين

و بعد ما تخلصين من الميك اب تحطين اي إضاءة عندك سائله او بودر فوق عظمه الخد
عشان تعطي لمعه حلوه ،، و في كثير من الإضاءات الي تعطي لمعه حلوه
مثل : إضاءات ماركة ذا بالم ، و كمان سوفت اند جنتل من ماك ، إضاءات بوبي بروان و بينيفت .... إلخ




و في النهاية بعد ما تخلصين من كل شيء ، تبخين فكس بلس من ماك
عشان يكمل المنظر الديوي و ترا فكس ما يرطب بس يحسن من شكل الميك اب في النهاية و تقدرين تبخين معاه شارجيد واتر من ماك اذا كنتي حابه
بعدها مثبت الميك اب ، انا استخدم من اربن دكاي

و هذي هي طريقتي احبها و مرتاحه لها و مجربتها كثير ف حبيت اشاركم فيها يمكن إن شاءالله تنفع لكم